Кыргызстанда эркектер арасында аденома, тукумсуздук, рак илдетине кабылгандар көбөйүп, оору жашарып баратканын дарыгерлер эскертүүдө.
1-ноябрда Бишкектеги улуттук филармонияда таанымал акын, журналист, маданиятка эмгек сиңирген ишмер, маркум Зайырбек Ажыматовду эскерүү кечеси өттү. Кечеде акындын жалындуу саптары, обондуу ырлары жаңырды. Зайырбек Ажыматов атындагы адабий сыйлык чыгармачыл жаш муун өкүлдөрүнө тапшырылды.
Жогорку Кеңештин 25-октябрдагы жыйынында Жалал-Абад, Ош облусундагы жабылган мечит-медреселерге байланыштуу маселе көтөрүлдү.
Бишкекте Газа тилкесинин тургундарын колдогон экинчи акция өттү. Ага 300дөй киши катышып, тараптарды тынчтыкка чакырды. Чогулгандар Газанын тургундарына жардам берүү үчүн атайы банктык эсеп ачылганын билдиришти. Ушул эле акция 21-октябрда да өткөн.
15 жылдан бери дайынсыз болгон кыргызстандык жубайлар Казакстандын Жамбыл облусунан табылды. Алар коңшу өлкөдө тоодо бирөөнүн малын багып, документтери жоктугунан эч жакка чыга албай жүрө берген. Жубайларды бир туугандары издеп жүрүп тапкан.
Быйыл Кыргызстанда кургакчылыктан улам тоют тартыштыгы сезилүүдө. Муну өкмөт да белгилеп, фермерлерди малдын башын азайтууга чакырды. Таласта тоют жетиштүү болгону менен анын көбү өлкөнүн түштүгүнө сатылып, аймакта чөп кымбат болуп жатат.
4-октябрда Бишкекте “кримчөйрөнүн анабашы” аталган Камчы Көлбаевди (Камчыбек Асанбек) кармоо операциясы жүрүп жатат. “Азаттыктын” кабарчысы операция болуп жаткан “Учкун” басмаканасынын жанындагы эс алуучу жайлардын биринин жанында жүрөт.
Кыргызстандык сууда сүзүүчү Денис Петрашов 2024-жылы Парижде өтө турган Олимпиадага жолдомо алды. Петрашов 2016-жылы Рио-де-Жанейро жана 2021-жылы Токио Олимпиадасына катышкан. “Азаттык” АКШда машыгып жүргөн Денис менен маектешти.
Журналист Шайырбек Абдырахманов он айдан бери интернеттеги баракчасы аркылуу "Манас" эпосун кара сөз түрүндө баяндап жатат. 104 сериялуу баянды көрөрмандар каалаган учурда көрүп, уга алышат. Абдрахманов эми "Семетей ", "Сейтек" эпосторун айтып берүүгө камынууда.
Балыкчы шаарына эки жыл мурун "Бактылуу эне" кризисттик борбору ачылган. Бул маалда 80ден ашык аялга ар кандай жардам көрсөткөн. Азыр дагы зомбулуктан улам кайрылган аялдардын саны аз эмес. Балыкчыда психолог адистер жок. Ал эми борбор мындай адистерге абдан муктаж.
Акыркы эки жылда Бишкекте сатыктагы батир баалсы 50% чейин жогорулап кетти. Аны менен катар ижара акысы да кескин өстү. Кыймылсыз мүлк базарындагы баанын кымбатташына эмнелер себеп болууда?
23-сентябрда Кыргызстанда мамлекеттик тил күнү белгиленет. “Азаттыктын” каарманы, немис кызы Виктория Кринвальд өзүнүн жеке ыкмасы менен кыргыз тилин үйрөтөт. Виктория жарым жыл мурда “Азаттыкка” интервью бергенден кийин окуучуларынын саны өсүп, элге кеңири таанылды.
Кыргызстандагы 120дай бейөкмөт уюм Жогорку Кеңешке ачык кайрылуу жолдоп, "чет элдик өкүл" мыйзам долбоорун четке кагууга чакырды. Депутаттар мыйзам долбоорун 19-сентябрда тармактык комитеттин отурумунда карайт.
“Тунгуч” жаштар драма театры “Ромео менен Жульетта” спектаклин кайра иштеп чыгып, көрөрмандарга тартуулады. Улуу драматург Уильям Шекспирдин классикалык чыгармасы 400 жылдан бери дүйнө элдеринин сахнасынан түшпөй келет. 2010-жылы Ч.Айтматов атындагы орус драма театрында көрүүчүлөргө тартууланган.
Быйыл майда күч органдары Ысык-Атанын Дмитриевка айылында террорчулукка шек саналган куралчан адамды кармоо операциясын жүргүзгөн. Жыйынтыгында террорчу жок кылынганы кабарланган. Бирок дал ушул операция маалында Дмитриевканын тургуну Айнагүл Мусаеванын үйү толугу менен күйүп кеткен.
Миргүл Өмүрзакова билимди Америкадагы Колорадо университетинен алып, 23 жыл миграцияда жүргөн. Эми өзү туулуп өскөн Караколдо мектеп ачты. Бул каарманыбыздын кичинесинен берки кыялы болчу. Эми Миргүлдүн кийинки максаты - мектепти өнүктүрүп, толук орто билим берген жайга айлантуу.
Бишкекте кыш маалында көйгөйгө айланган ышты азайтуу үчүн шаардыктарга Кара-Кеченин көмүрүн сатууга жана жагууга тыюу салынды. Энергетика министрлиги Казакстандын көмүрүн ташып келүү пландалып жатканын билдирди. Алдыдагы кышта болчу мындай чектөөлөргө карапайым тургундардын пикири кандай?
Талас облусундагы 1976-жылы ишке берилген Киров суу сактагычында быйыл суунун көлөмү эң төмөнкү чекке түштү. 550 млн метр куб суу баткан суу сактагычка топтолгон суунун 80% коңшу Казакстан, 20% Кыргызстан колдонот.
Бишкекте интернеттеги баңгизат бизнесине аралашты деген шек менен кармалган 16 жаштагы өспүрүм 7 жылдан 15 жылга чейин кесилиши мүмкүн. Курьер болуп иштеп жүрүп, Телеграм каналынан буйрутма тапкан улан кылмышка кокустан илешип калганын айтууда.
Кыргызстандын алыскы айылдарында жашаган окуучулар англис тилин быйыл да бекер окушат. Ал үчүн Тынчтык корпусу 26 ыктыярчыны өлкөнүн алты облусуна жөнөткөнү турат.
Дагы жүктөңүз
